د قران کریم لنډ معلومات

د قرآن کریم د اسلام سپېڅلی کتاب دی چې د حضرت محمد ﷺ پر مبارک زړه نازل شوی دی. دا کتاب د الله تعالی وروستی آسماني کتاب دی او د انسانانو لپاره د هدایت، رحمت او قانون سرچینه ګڼل کېږي. قرآن کریم په عربي ژبه نازل شوی او ټول ۳۰ سپارې او ۱۱۴ سورتونه لري. په دې کې د عقیدې، عبادت، اخلاقو، معاملو او د انسان د ژوند ټولو اړخونو په اړه لارښوونې موجودې دي. دا کتاب د حق او باطل ترمنځ توپیر ښيي، انسانان نېکۍ ته رابولي او له بدیو څخه یې منع کوي. د قرآن کریم تلاوت عبادت ګڼل کېږي او د هر حرف لوستل ثواب لري. د قرآن کریم اساسي پیغام دا دی چې یوازې یو الله تعالی د عبادت وړ دی او انسان باید د هغه د احکامو مطابق خپل ژوند تېر کړي، څو په دنیا او آخرت کې بریالی شي.