د صدر بطن او حوصلې اناټومي

صدر (سینه) د بدن هغه برخه ده چې زړه، سږي، لوی د وینې رګونه او د تنفس مهم غړي پکې موقعیت لري. د صدر قفس د ضلعو، قص (سټرنم) او فقراتو له خوا ساتل کېږي. بطن د ډایفرام لاندې برخه ده چې مهم هضمي او ادراري غړي پکې شامل دي. معده، ځیګر، کولمې، پانقراس، توری (طحال) او پښتورګي د بطن له مهمو غړو څخه دي. بطن د خوړو په هضم، جذب او میتابولیزم کې اساسي رول لري. حوصله (Pelvis) د بدن ښکته برخه ده چې د حوصلې د هډوکو له خوا جوړه شوې ده. په دې برخه کې مثانه، د تناسلي سیستم غړي او د غټو کولمو وروستۍ برخې موقعیت لري. حوصله د داخلي غړو ساتنه کوي او د بدن وزن ښکته اندامونو ته لېږدوي. د صدر، بطن او حوصلې اناټومي د بدن د مهمو سیسټمونو د جوړښت، موقعیت او دندو په پوهېدو کې بنسټیز اهمیت لري.