غوږ

غوږ د انسان د بدن د اورېدو او توازن مهم غړی دی. دا د غږ څپې له چاپېریال څخه راټولوي او مغز ته یې د اعصابو له لارې لېږي. غوږ په درې برخو وېشل کېږي: بهرنی غوږ، منځنی غوږ او داخلي غوږ. بهرنی غوږ د غږ څپې راټولوي او د غوږ کانال ته یې داخلوي. منځنی غوږ کې کوچني هډوکي (مالیوس، انکوس او سټېپس) موجود وي چې غږ قوي کوي او داخلي غوږ ته یې لېږي. داخلي غوږ کې کوکلیا (حلزوني برخه) موجوده وي چې غږ په عصبي پیغامونو بدلوي او دماغ ته یې رسوي. همدارنګه د توازن سیستم هم په همدې برخه کې دی چې د بدن تعادل ساتي. غوږ د اورېدو ترڅنګ د انسان د توازن په ساتلو کې هم مهم رول لري.