د کاربو هایدریټ پېژندنه

کاربوهایډرېټونه هغه عضوي مرکبات دي چې د کاربن، هایدروجن او اکسیجن له عناصرو څخه جوړ شوي وي. دا د انسان د بدن لپاره د انرژۍ تر ټولو مهمه او اساسي سرچینه ده. کاربوهایډرېټونه په نباتاتو کې د فوتوسنتز د عمل په واسطه تولیدېږي او د خوړو له لارې بدن ته داخلېږي. د کاربوهایډرېټونو مهمې دندې: بدن ته انرژي ورکول. د دماغ او عصبي سیستم لپاره د انرژۍ برابرول. د ګلایکوجن په بڼه د انرژۍ ذخیره کول. د پروټینونو د ساتنې مرسته کول. د هاضمې سیستم په ښه فعالیت کې مرسته کول (فایبر). د کاربوهایډرېټونو ډولونه: ساده کاربوهایډرېټونه: لکه ګلوکوز، فروکتوز او سکروز. مرکب کاربوهایډرېټونه: لکه نشایسته، ګلایکوجن او سیلولوز. د کاربوهایډرېټونو مهمې سرچینې: ډوډۍ او غنم وریجې جوار کچالو مېوې شات سبزیجات که کاربوهایډرېټونه په مناسب مقدار وخوړل شي، د بدن د انرژۍ اړتیا پوره کوي؛ خو زیات استعمال یې د چاغښت او ځینو روغتیايي ستونزو لامل کېدای شي.