د تنفسي سیسټم لنډیز

د تنفسي سیسټم د انسان د بدن هغه مهم سیستم دی چې بدن ته اکسیجن رسوي او کاربن ډای اکسایډ بهر باسي. دا سیستم د پزې، ستوني، حنجرې، نلۍ، سږو او برونشونو څخه جوړ شوی دی. هوا د پزې له لارې بدن ته داخلیږي، پاکېږي او بیا سږو ته رسېږي. په سږو کې کوچنۍ هوايي کڅوړې شتون لري چې الویولي بلل کېږي. دلته د اکسیجن او کاربن ډای اکسایډ تبادله ترسره کېږي. اکسیجن وینې ته داخلیږي او د بدن ټولو حجرو ته انتقالېږي، په داسې حال کې چې کاربن ډای اکسایډ بېرته د ساه ایستلو له لارې بهر وځي. تنفسي سیسټم د بدن د انرژۍ تولید او د ژوند د دوام لپاره ډېر مهم دی. که دا سیستم ناروغ شي، نو انسان ته د ساه لنډۍ، ټوخې او ستړیا ستونزې پیدا کېږي. د پاکې هوا استعمال، سګرټ نه څکول او د روغتیا ساتنه د تنفسي سیسټم د سالم پاتې کېدو لپاره ضروري دي.