حجره او د هغه اساسی برخی

حجره د ژوندیو موجوداتو اساسي واحد دی او د بدن د جوړښت او فعالیت بنسټ جوړوي. ټول ژوندي موجودات له حجرو څخه جوړ شوي دي. حجره د ودې، تغذیې، تنفس او تولید دنده ترسره کوي. د حجرې بڼه او اندازه د هغې د وظیفې له مخې توپیر لري. د حجرې اساسي برخې عبارت دي له: د حجرې غشا (Cell Membrane): د حجرې بهرنۍ پوښ ده چې د موادو داخلېدل او خارجېدل تنظیموي. سایتوپلازم (Cytoplasm): نیمه مایع ماده ده چې د حجرې دننه موجوده وي او نورې برخې پکې قرار لري. هسته (Nucleus): د حجرې مهمه برخه ده چې د حجرې فعالیتونه کنټرولوي او ارثي معلومات پکې ساتل کېږي. مایټوکانډریا (Mitochondria): د انرژۍ د تولید مرکز دی. رایبوزومونه (Ribosomes): د پروټین جوړولو وظیفه ترسره کوي. اندوپلازمي شبکه او ګولجي جسم: د موادو د انتقال او ذخیرې دنده لري. حجره د بدن د سالم فعالیت لپاره ډېره مهمه ده، ځکه د بدن ټول انساج او غړي له حجرو څخه جوړ شوي دي.