طبی اخلاق

طبي اخلاق د طب په ډګر کې هغه اصول او ارزښتونه دي چې ډاکټران، نرسان او نور صحي کارکوونکي یې د ناروغانو د خدمت پر مهال مراعتوي. د طبي اخلاقو اساسي هدف د انسان عزت، حقونو او روغتیا ساتنه ده. په دې اصولو کې رښتینولي، امانتداري، د ناروغ احترام او د هغه د راز ساتل شامل دي. صحي کارکوونکي باید له ناروغانو سره په نرمۍ، مهربانۍ او انصاف چلند وکړي. د ناروغ له اجازې پرته د هغه معلومات بل چا ته نه ورکول کېږي. طبي اخلاق د دې سبب کېږي چې د ناروغ او ډاکټر ترمنځ باور زیات شي. همدارنګه ډاکټر باید د هر ناروغ درملنه بې له تبعیضه ترسره کړي. د ناروغ خیر او ګټه باید د هرې پرېکړې بنسټ وي. طبي اخلاق د روغتیايي خدمتونو کیفیت لوړوي او په ټولنه کې د طب مسلک ته درناوی زیاتوي.