لمفاوی سیستم

لمفاوي سیستم د بدن د دفاعي سیستم یوه مهمه برخه ده چې د ناروغیو او میکروبونو پر وړاندې د بدن ساتنه کوي. دا سیستم د لمفا مایع، لمفا رګونو، لمفا غدو او ځینو غړو لکه سپلین (طحال) څخه جوړ دی. لمفا مایع د وینې له پلازما څخه جوړېږي او په بدن کې ګرځي. دا مایع اضافي اوبه، زهري مواد او د حجراتو فضلات له نسجونو څخه راټولوي. وروسته دا مواد د لمفا غدو له لارې تصفیه کېږي. لمفا غدې د فلټر په شان کار کوي او میکروبونه له منځه وړي. سپلین هم د وینې د فلټر کولو او د معافیت په پیاوړتیا کې مهم رول لري. د لمفاوي سیستم حجرې د بدن دفاعي ځواک زیاتوي او د انتانونو مخه نیسي.