مایکرو بیولوژي

مایکروبیولوژي هغه علم دی چې د ډېر کوچنیو ژوندي موجوداتو لکه باکتریاو، ویروسونو، فنګسونو او پروتوزوا مطالعه کوي. دا موجودات په سترګو نه لیدل کېږي او یوازې د مایکروسکوپ په وسیله لیدل کېږي. مایکروبیولوژي د طب، درملنې او ناروغیو د پېژندنې لپاره ډېر مهم علم دی. دا علم موږ ته ښيي چې ځینې مایکروبونه د ناروغیو سبب ګرځي او ځینې بیا د بدن لپاره ګټور وي. باکتریاوې کولی شي د خوړو خرابېدو او انتانونو لامل شي، خو ځینې یې د هاضمې په پروسه کې مرسته کوي. ویروسونه یوازې د ژوندي حجرو دننه وده کولی شي. مایکروبیولوژي د واکسینونو او انټي بیوټیکونو په جوړولو کې اساسي رول لري. دا علم د اوبو، هوا او خوړو د پاکوالي د څېړنې لپاره هم کارېږي. د روغتیا ساتنې لپاره د مایکروبونو کنټرول ډېر ضروري دی.