عضلي سيسټم2

عضلي سيسټم د انسان د بدن هغه مهم سيسټم دی چې د بدن حرکت، ځواک او ثبات برابروي. عضلې د هډوکو سره يو ځای کار کوي او د بدن مختلف حرکات ترسره کوي. د انسان په بدن کې شاوخوا ۶۰۰ عضلې شتون لري. عضلې په درې ډوله دي: ارادي عضلې، غير ارادي عضلې او قلبي عضله. ارادي عضلې د انسان د خوښې له مخې حرکت کوي لکه د لاس او پښو عضلې. غير ارادي عضلې د انسان له ارادې پرته کار کوي لکه د معدې او کولمو عضلې. قلبي عضله يوازې په زړه کې وي او د وينې پمپ کولو دنده ترسره کوي. عضلې د انقباض او انبساط په وسيله حرکت رامنځته کوي. د عضلو سالم ساتلو لپاره مناسب غذا، ورزش او استراحت ضروري دي. عضلي سيسټم د بدن د ښکلا، توازن او ورځنيو فعاليتونو لپاره ډېر اهميت لري.