فولکلور

د فولکلور (Folklore) اصطلاح د ولسي ادب، دودونو، رواجونو، شفاهي کیسو، متلونو، سندرو او عامو خلکو د کلتوري ژوند د مطالعې علم ته وايي. دا علم د یوې ټولنې هغه غیر لیکلي فرهنګي شتمنۍ څېړي چې له نسل څخه نسل ته په شفاهي ډول انتقالېږي. په فولکلور کې د خلکو کیسې (لکه افسانې او نکلونه)، متلونه، لنډۍ، ټپې، دعاګانې، سندرې او ولسي شعرونه شامل دي. دا مواد د خلکو د ژوند تجربې، عقاید، احساسات او تاریخي یادښتونه بیانوي. همدارنګه فولکلور د ټولنې دودونه او رواجونه هم څېړي، لکه د واده مراسم، مذهبي جشنونه، د خوښۍ او غم طریقې، د مېلمه پالنې اصول او نور ټولنیز عادتونه. د لیکوونکي له نظره فولکلور د یوې ټولنې د هویت مهمه برخه ده، ځکه دا د خلکو د فکر، ژبې او کلتور ریښې څرګندوي. د فولکلور اساسي اهمیت دا دی چې د یوې ټولنې تاریخي حافظه، کلتوري ارزښتونه او ولسي حکمتونه ژوندی ساتي او د راتلونکو نسلونو لپاره یې خوندي کوي.