د ذهن محدودیت

په دې کتاب کې څرګندیږي چې د انسان ذهن ډېر قوي دی، خو اکثره وخت د وېرې، منفي فکر، عادتونو او ټولنیزو باورونو له امله محدود پاتې کېږي. لیکوال وايي چې ډېر خلک خپل حقیقي استعداد نه شي کارولی، ځکه چې دوی باور لري «زه نه شم کولی» یا «دا کار زما له وسه پورته دی». کتاب دا هم تشریح کوي چې که انسان خپل ذهن وروزي، مثبت فکر وکړي، او له وېرې او شکونو ځان خلاص کړي، نو کولای شي سترې لاسته راوړنې وکړي. د ځان باور، تمرکز، او دوامداره هڅه د ذهن د محدودیتونو ماتولو مهمې لارې دي.