وراثت

د وراثت علم هغه ساینس دی چې د ژوندیو موجوداتو د ځانګړنو د انتقال (میراث) مطالعه کوي. دا کتاب تشریح کوي چې څنګه ځانګړنې لکه د سترګو رنګ، قد، د وېښتانو ډول او نور صفات له والدینو څخه اولاد ته انتقالېږي. په کتاب کې د جین (Gene) او کروموزوم (Chromosome) جوړښت او د هغوی رول مهم بلل شوی. جینونه د DNA برخه دي چې د بدن ټولې ځانګړنې کنټرولوي. کروموزومونه بیا هغه جوړښتونه دي چې جینونه پکې ځای پر ځای وي. کتاب د مندل د وراثت قوانینو ته هم اشاره کوي، چې وایي ځینې صفات غالب (Dominant) او ځینې مغلوب (Recessive) وي، او د همدې له مخې ځانګړنې په اولاد کې څرګندیږي. همدارنګه د DNA جوړښت، جینیاتي بدلونونه (Mutation)، او د وراثت د ناروغیو موضوعات هم پکې تشریح شوي دي. دا علم په طب، کرنې او بیولوژۍ کې ډېر مهم رول لري. په لنډه توګه، د وراثت علم موږ ته دا راز روښانه کوي چې ژوندی موجودات څنګه خپل ځانګړنې له نسل څخه نسل ته انتقالوي.