د لویانو د نرسنګ تطبیقات

د د لویانو د نرسنګ تطبیقات د “چپټر” يا فصلونو منځپانګه د بالغو ناروغانو د پاملرنې، ناروغیو تشخیص او عملي نرسنګ مهارتونو په اړه ده. دا کتاب نرسنګ زده‌کوونکو ته ښيي چې څنګه د لوی عمر ناروغانو طبي، جسمي او رواني اړتیاوې په سمه توګه پوره کړي. په کتاب کې د بدن د مختلفو سیستمونو ناروغۍ تشریح کېږي، لکه د زړه ناروغۍ، د تنفس ستونزې، د هضم سیستم ناروغۍ، د پښتورګو مشکلات او د شکر ناروغي. د هرې ناروغۍ نښې، علتونه، تشخیص او د نرس رول پکې بیان شوی دی. د نرسنګ تطبیقاتو په برخه کې کتاب د ناروغ د حالت ارزونه، د حياتي نښو معلومول، د درملو ورکول، سېروم لګول، د اکسیجن استعمال، د زخم پانسمان او د بېړنیو حالاتو مدیریت بیانوي. همدارنګه د جراحي ناروغانو د مخکې او وروسته پاملرنې اصول هم پکې شامل دي. کتاب د ناروغ د تغذيې، استراحت، حفظ الصحې او ذهني ملاتړ اهمیت هم روښانوي. نرس ته لارښوونه کېږي چې له ناروغ سره په نرمۍ او حوصلې چلند وکړي او د هغه د روحي حالت ساتنې ته پاملرنه وکړي. په ځینو فصلونو کې د ICU، عاجلې خونې او مزمنو ناروغیو د ناروغانو ځانګړې پاملرنه هم تشریح شوې ده. د انتاناتو مخنیوی، د طبي وسایلو خوندي استعمال او د ناروغ خوندیتوب د کتاب مهم موضوعات دي. د کتاب اساسي هدف دا دی چې نرسنګ زده‌کوونکي د لویانو د ناروغیو په اړه علمي پوهه او عملي مهارتونه ترلاسه کړي، څو وکولای شي ناروغانو ته معیاري او خوندي روغتیايي خدمت وړاندې کړي.