شتمن پلار نيستمن پلار

«شتمن پلار، نېستمن پلار» د رابرټ کیوساکي (Robert Kiyosaki) مشهور کتاب دی چې د پیسو، پانګونې او مالي فکر په اړه لیکل شوی دی. دا کتاب د لیکوال د خپل ژوند تجربو ته په کتو د دوو بېلابېلو فکرونو پرتله کوي. په کتاب کې «نېستمن پلار» هغه طرز فکر ښيي چې خلک پکې د ښه تعلیم، خوندي دندې او ثابت معاش پر لور هڅول کېږي. په دې فکر کې امنیت مهم وي، خو د شتمنۍ د جوړولو نوښتونه کم وي. خو «شتمن پلار» بیا د بل ډول فکر استازیتوب کوي. دا ذهنیت خلکو ته وایي چې یوازې د کار کولو پر ځای باید د پیسو د مدیریت، پانګونې او د عاید د سرچینو د زیاتولو په اړه فکر وکړي. یعنې پیسې باید د انسان لپاره کار وکړي، نه انسان یوازې د پیسو لپاره. کتاب دا هم ښيي چې د انسان مالي حالت تر ډېره د هغه د فکر، باورونو او عادتونو پورې تړلی وي، نه یوازې د تعلیم یا دندې پورې. که د انسان ذهنیت بدل شي، نو د ژوند مالي حالت یې هم بدلېدای شي. په ټوله کې، «شتمن پلار، نېستمن پلار» یو داسې کتاب دی چې د پیسو په اړه د خلکو دودیز فکرونه بدلوي او هغوی ته د مالي ازادۍ نوې لارې ورښيي