ساینسی پرمختیاوې

ساینسي پرمختیاوې هغه بدلونونه او لاسته راوړنې دي چې د علم او تجربې په مرسته د انسان د ژوند په بېلابېلو برخو کې رامنځته شوي دي. په لومړي سر کې د طب په برخه کې پرمختګونه شوي، لکه د نوو درملو جوړول، د ناروغیو تشخیص پرمختللې طریقې او جراحي نوې ټکنالوژي. دې پرمختګونو د انسان د ژوند عمر او کیفیت لوړ کړی دی. په ټکنالوژۍ کې لوی بدلونونه راغلي، لکه کمپیوټر، انټرنیټ او موبایلونه چې د معلوماتو تبادله یې ډېر اسانه کړې ده. په صنعتي برخه کې ماشینونه او روبوټونه د انسان کارونه چټک او اسانه کړي دي. په زراعتي برخه کې هم پرمختګونه شوي، لکه اصلاح شوي تخمونه، کیمیاوي سرې او د اوبو نوې طریقې چې د حاصل اندازه یې لوړه کړې ده. په فضايي علومو کې انسان سپوږمۍ ته رسېدلی، سپوږمکۍ یې فضا ته لېږلې او د ځمکې د اقلیم او هوا په اړه دقیق معلومات ترلاسه شوي دي. په پای کې ویل کېږي چې ساینسي پرمختګونه د انسان ژوند اسانه کړی، خو اړتیا ده چې دا پرمختګونه د انسانیت، اخلاقو او د چاپېریال د ساتنې سره سم وکارول شي.